اقوى مواضيع حسنى عبد الربه خش وتبقى محامى قوى فى القضيه

من طرف eto الجمعة سبتمبر 21, 2007 3:24 pm

اولا قبل كل شئ احب اعرفكم انى فى الاصل محامى وواضح جدا من خلال كثير من المواضيع والردود حول مفهوم الفاكس المرسل من الفيفا بشأن قضيه عبد ربه ان الناس مش قادره تفهم ولا حتى يمكن البعض قادر يترجم محتوى الفاكس من الناحيه القانونيه
وده يمكن الى ادى للبس كبير جدا
اسمحولى اترجملكم المحتوى القانونى للفاكس باللغه العاميه عشان اغلب الناس تفهم القرار

الفاكس بلغه الفيفا وتحت كل نقطه ساترجمها باللغه العربيه مع الشرح القانونى

1. The claim lodged by the claimant Strasbourg is accepted.
1- قبول التظلم المقدم من ستراسبورج بشان الخلاف التعاقدي بينه وبين النادى الإسماعيلي .
مراحل اى دعوى فى الدنيا 3
أ- ابتدائى : وهو رفع الدعوى فى البدايه وهو ما قام به نادى ستراسبورج لما الكومى او النادى الاسماعيلى اتأخر فى دفع الفلوس والمرحله دى انتهت بحكم الفيفا ان حسنى يلعب فى الاسماعيلى مع دفع الفارق 200 الف يورو
ب- استئناف : وهى المرحله الثانيه وبيكون الطرف المتضرر بيستأنف الحكم ويدلى بمستندات جديده علشان يحاول يخلى الحكم يتحكمله وده اللى عمله نادى ستراسبورج فى الخطوه دى وفعلا تم الحكم لصالحه وبالتالى حسنى اصبح من حق النادى الفرنسى ومنه الى الاهلى .
المرحله الثالثه سأتكلم عليها لاحقا

2. It is established that the respondent Ismaily has not validly exercized the option for the definitive transfer of the player abdrabu.
2- النادى الإسماعيلي لم يلتزم بالمواعيد المحددة لحق الانتقال النهائي للاعب .
وتفسير النقطه دى هى سبب منطوق الحكم لان علشان يكون حكم اى محكمه صحيح لازم القاضى اللى هو هنا الفيفا يقول سبب الحكم والا يجوز الطعن على الحكم وهما قالوا هنا ان السبب ان الاسماعيلى لم يلتزم بالميعاد .

3. The claimant Strasburg has to pay Euro 800000 to the respondent Ismaily within 30 days of notification of the present decision.
3- يدفع نادى ستراسبورج مبلغ 800 ألف يورو للنادى الإسماعيلي خلال 30 يوما من تاريخ صدور القرار .
النقطه دى لغبطت ناس كتير لانهم بيقولوا ازاى نادى ستراسبورج بايعين الراجل ب 700 الف ويروحوا يدفعوا 800 الف
تفسيرها ان هما اشتروه كمعار لمده سنه ب 300 الف ودى لعب بيها حسنى لستراسبورج وبالتالى فهى اصلا من حق الاسماعيلى فى الاول لاخلاف عليها
وال 500 الف الباقيه هى قيمه الشيك اللى الكومى بعته متأخر واللى هما اصلا كده كده كانوا هايرجعوه تانى للاسماعيلى لما يتحكملهم
يعنى بالبلدى اكتر اكيد مش هايضربوا على الشيك فى جيبهمhttp://img.aljasr.com/icon.aspx?m=blank
والفيفا بيقول يرجعوا الفلوس دى فى خلال 30 يوم اظن مفهومه دى

4. In case that the terms of the present decision are not respected the matter shall be referred to the Dis disciplinary committee of fifa so that the appropriate disciplinary measures may be applied.
4- في حالة عدم الالتزام بقرارات اللجنة يتم تحويل الموضوع برمته إلى لجنة الانضباط بالاتحاد الدولي .
دى معناها ان احنا حكمنا بالحكم ده واللى مش هاينفذ سواء الاسماعيلى انه يتخلى عن اللاعب لستراسبورج او ان استراسبورج ميرجعش الفلوس هانحوله للجنه انضباط ويطلق عليه العقوبات اى عقوبات بقى من اللى موجوده فى قوانين ولوائح الفيفا وهنا القرار على الفريقين فى التنفيذ حسب اللى مطلوب منهم .

5. The cost of the proceedings in the fifa in the amount of CHF 2000 to be paid by the respondent Ismaily within 30 days of the notification of the present decision to the following bank account reference to case account reference to case no: safo7_00599.
5- على النادى الإسماعيلي التقدم بتظلم خلال 21 يوما أمام لجنة فض المنازعات بالاتحاد الدولي .
النقطه دى بقى فيها كلام كتير
اولا قلتلكم قبل كده ان مراحل الدعوى 3
أ- ابتدائى
ب- استئناف
ج- النقض
النقض هو المرحله الثالثه اللى قلتلكم هاتكلم عليها فى الاخر
النقض فى المحاكم بصفه عامه ليه شروط ومش من حق الاسماعيلى يتظلم على الحكم الا بشروط معينه
اولا : لازم يكون فى عيب جوهرى فى الحكم يعنى ان الحكم يكون حصل فيه اى اجراء قانونى باطل اى يشوبه البطلان
ثانيا : لازم فى خلال مده معينه ( حددها الفيفا ب 21 يوما )
ثالثا : لايجوز تقديم مستندات جديده ولكن الطعن يكون فقط على الحكم
يا جماعه النقطه دى مهمه جدا وميعرفهاش الا ناس دارسه قانون .. يعنى ميطلعش واحد بعد كام يوم يقول الفيفا طلب مستندات جديده او الاسماعيلى هيقدم مستندات جديده الكلام ده كلام مرفوض وسورى يعنى كلام ناس بيضحكوا على الشعب
لان شروط الطعن تنصب على الحكم فقط ومنطوقه واسبابه
يعنى مثلا كان القاضى يحكم بدون ذكر سبب زى ماشرحت فى الاول هنا يجوز الطعن على الحكم
لكن مينفعش فى المرحله الثالثه تقديم اى مستند جديد وبالتالى الاسماعيلى لو ملقاش اى غلطه فى القرار نفسه او الحكم نفسه مش هيقدر يطعن وهيسيب ال 21 يوم يعدوا بدون اى طعن وده مش تقصير منه لكن لان المشكله اللى هايطعن عليها لا وجود لها
وبالتالى يكون حكم الاستئناف وهو لصالح استراسبورج نهاااااااااائى

فى جزئيه كمان هامه وهى قصه انه يلعب فى الاسماعيلى لحد ما تنتهى مده الطعن ده كلام خاطى وغير موجود فى الترجمه ولا الفاكس ومع الاسف اللى قام بترجمه الفاكس واحد نصاب لان الجمله دى قام بتأليفها من عنده والدليل البند الخامس غير موجوده فيه الجمله دى
لان ترجمه البند الخامس بتقول لو الاسماعيلى هايعمل تظلم تبقى فى خلال 21 يوم من تاريخ الحكم اللى هو النهارده وقيمه التظلم 2000 فرنك فرنسى يدفعهم فى خلال 30 يوم وكاتبين رقم حساب البنك يبقى فين بقى انه يلعب للاسماعيلى
واصلا الحكم فى غير صالح الاسماعيلى ( كلام متناقض )

يترتب على مضمون الفاكس
1- ان حسنى من الان من حق نادى ستراسبورج حتى لو الاسماعيلى عمل قرار تظلم فمن حق ستراسبورج فى البطاقه الدوليه وبالتالى يلعب للنادى الاهلى من لحظه صدور القرار
واذا تظلم الاسماعيلى وتم الحكم للاسماعيلى وقتها يرجع تانى الاسماعيلى اما غير هذه الحاله فهو فى استراسبورج والاهلى
2- عقد ستراسبورج مع الاهلى سارى منذ ابرام التعاقد وارسال الاهلى بطلب قيمه العقد ده نتيجه على الحكم الاول لانه وقتها كان اتحكم للنادى الاسماعيلى فكان لازم الاهلى يطلب فلوسه اما الان فحتى لو ستراسبورج رجع للاهلى فلوسه الاهلى من حقه قانونا انه لا يقبلها ويكمل التعاقد مع حسنى لان التعاقد لا يلغى الا بمعرفه الاهلى واستراسبورج وحسنى عبد ربه .
3- اساس بيع حسنى عبد ربه لنادى مصرى هو الجيش وانه ميقدرش يخرج بره مصر وبالتالى ففى جميع الاحوال حسنى فى الاهلى ولن يباع لاى نادى اخر .
4- رغبه اللاعب غير معتمد بها اطلاقااااااااااااا لن الموضوع قانونى بحت

اخيرا :
الترجمه اللى قمت بيها للفاكس ترجمه قانونيه ميه فى الميه
واى استفسار قانونى حول الفاكس انا تحت امركم
ومبروك للاهلى__________________
اقوى مواضيع حسنى عبد الربه خش وتبقى محامى قوى فى القضيه Get-9-2007-ar_up_com_oil1z4g8

اقوى مواضيع حسنى عبد الربه خش وتبقى محامى قوى فى القضيه Get-9-2007-ar_up_com_oil1z4g8

اقوى مواضيع حسنى عبد الربه خش وتبقى محامى قوى فى القضيه 5b6acbf52f

اقوى مواضيع حسنى عبد الربه خش وتبقى محامى قوى فى القضيه 70

عاشق ابوتريكه اقوى مواضيع حسنى عبد الربه خش وتبقى محامى قوى فى القضيه 9

اقوى مواضيع حسنى عبد الربه خش وتبقى محامى قوى فى القضيه F179c733c4